و إنت بتقول مبارك , إفتكر...

لما تطاوعك نفسك و إنت بتقول " ولايوم من أيامك يا مبارك" , عايزك تفتكر السرطان ,
و إنت بتقول مبارك , إفتكر قطر الصعيد
و إنت بتقول مبارك , إفتكر صخرة الدويقة
و إنت بتقول مبارك , إفتكر 16 مليون مصري ساكنين فى العشوائيات
و إنت بتقول مبارك , إفتكر تزوير إنتخابات 2005 و 2010 و انتخابات الرئاسة
و إنت بتقول مبارك , إفتكر أمن الدولة
و إنت بتقول مبارك , إفتكر اللى كانم بيحصل للمساجين فى امن الدولة و الاقسام
و إنت بتقول مبارك , إفتكر خالد سعيد و سيد بلال "السلفي"
و إنت بتقول مبارك , إفتكر قانون الطوارئ و الاحكام العرفية و المحاكمات العسكرية للمدنين
و إنت بتقول مبارك , إفتكر مروة الشربينى شهيدة الحجاب فى المانيا اللى مافيش كلب نطق من نظام مبارك و قال حقها فين !!
و إنت بتقول مبارك , إفتكر المدارس الخربانة و المناهج العقيمة
و إنت بتقول مبارك , إفتكر الامية و الجهل و المرض
و إنت بتقول مبارك , إفتكر إختارناه مع إنك ماختارتوش
و إنت بتقول مبارك , إفتكر الـ 99,9% فى الإستفتاءات
و إنت بتقول مبارك , إفتكر عملية التوريث الممنهجة
و إنت بتقول مبارك , إفتكر ازاى خلى مصر كلب عند الأمريكان و الصهاينة
و إنت بتقول مبارك , إفتكر قمع المعارضة و الحريات
و إنت بتقول مبارك , إفتكر إزاى خلى المصري مهان فى كل شبر فى العالم
و إنت بتقول مبارك , إفتكر إزاى خلى المصريين بيبوسوا تراب رجل الخلايجة
و إنت بتقول مبارك , إفتكر إزاى المصريين إتضربوا فى السودان و الخارجية المصرية مانطقتش كلمة !!
و إنت بتقول مبارك , إفتكر إزاى خسرنا العلاقات مع دولة عربية عشان ماتش كورة
و إنت بتقول مبارك , إفتكر إزاى كان كل أملنا فى الحياة دى إن مصر تتأهل لكاس العالم مع إننا مش لاقيين ناكل
و إنت بتقول مبارك , إفتكر إزاى تم التعامل مع الشباب المعارض يوم 25 يناير
و إنت بتقول مبارك , إفتكر "خليهم يتسلوا"
و إنت بتقول مبارك , إفتكر "ياراجل كبر مخك"
و إنت بتقول مبارك , إفتكر "موافقة سرور"
و إنت بتقول مبارك , إفتكر "كل واحد مات فى التحرير عشان يديك إنت أمل فى الحياة "
و إنت بتقول مبارك , إفتكر كل واحد فقد عنيه علشان عنيك إنت تشوف النور
و إنت بتقول مبارك , إفتكر كل قلب أن إتحرق على إبنها اللى طالته غيد الظلم و الغدر و الخيانة
و إنت بتقول مبارك , إفتكر الأغذية المسرطنة و توظيف أبناء الوزراء و رجال الاعمال
و إنت بتقول مبارك , إفتكر ازاى الشباب كان بيقعد ع القهاوى مش لاقى شغل
و إنت بتقول مبارك , إفتكر كل حاجة وحشة بتقابلك دلوقتى فى حياتك
إحنا لما عملنا ثورة كانت على الظلم كمبدأ ماكنتش على شخص و لا على نظام , فمن المستحيل إنكم هتسمعوا من الشباب الأحرار ثوار 25 يناير ,مهما هيقابلهم فى حياتهم فى عهد أى رئيس عمرنا ماهنقول ولا يوم من أيامك يا "مخلوع" !!