الله يرحم ايامك يابوعلاء ياللى كنت بتأكلنا السيمون فيميه و مخلى مصر أولى دول العالم تقدم و مخلى الكرامة المصرية محفوظة حوة و برة مصر , ياللى كنت بتدفع عن حقوق الفقرا و الغلابة اللى مش لايين اللقمة , ياللى كنت بتقف فى وش كل ظالم ياللى ماكنش فى عهدك سرقة و لا نصب و لا اختلاس و لا غسيل اموال و لا اكل مسرطن ولا تصدير غاز و لا اى حاجة من الحاجات الوحشة دى , ماحدش ينسى و قفتك يوم مقتل مروة الشربينى فى المانيا كنت قالب الدنيا يومها , و لاحدش ينسى ابدا احترام المصريين فى جميع الدول العربية , ماحدش هيقدر ينسى ازاى الخلايجة كانوا بيجواا لمصر عشان يشتغلوا فى المشاريع اللى انت بتبنيها , ماحدش هينسى ازاى كان المعتقلين السياسين كانوا بيتعاملوا احسن معاملة وبيتشالوا فوق الرؤوس فى الاقسام و امن الدولة , هو حد ينسى ازاى خلصتونا من مجرم زى خالد سعيد بكل حنكة و دهاء , حد ينسى وقفتك يوم لما المصريين اضربوا فى السودان , ياللى كنت بتجبلنا كاس افريقيا انت يا بركة !!
هو ده فكر الكثير من المصريين دلوقتى , ان مرسي انسان وحش فعشان كده لازم نمجد فى مبارك اللى مرسي ماعملش اى حاجة مبارك ماعملهاش , مبارك باع مصر , مرسي باع مصر.. كل حاجة مرسي بيعملها دلوقتى كان مبارك بيعملها , فأى كلام هجص بيقولك مبارك كان معيشناه ده كلام بتنشره ناس بعينها عايزة توقع المصريين فى فخ تانى بعد سقوط الاخوان -ان شاء الله.
مرسي هو مبارك , مبارك وحش مرسي اوحش , بس مبارك مش احسن من مرسي !!
تعليقات
إرسال تعليق