صباحي الأمل الأخير !!
حمدين صباحي , الراجل الوسيم ابو شعر ابيض , الراجل اللى هيموت و يمسك البلد , الراجل اللى الإخوان و الفلول سموه عبده مشتاق , الراجل اللى حسني مبارك بجلالة قدره قال عليه مافيش فايده منه و ماينفعش يبقى رئيس جمهورية ..
ليه حمدين صباحي ؟!
بص يا سيدي احنا فى 25 يناير لما نزل الشعب و الشباب ضد مبارك ودولته , كانت النوايا كلها صافيه ومش ذنبنا زى ماقال الشيخ محمد يسري سلامة -رحمة الله عليه- إننا قمنا بها فى وسط حفنة من المتنفعين و الإنتهازين و الجهلاء , لكن كان أملنا بسيط إننا نعيش بس ما شعوب كتير عايشين , عايزين تعليم كويس و علاج كويس و وظائف محترمة و نضمن اننا اخر الليل مش هنشيل هم العشاء , وعلى فكرة ثلاث ارباع المصريين بيناموا من غير عشاء ..
فالناس نزلت الميدان , بس كان شئ مُحفز ليها إنها تلاقى ناس من النخبة السياسية معاها فى الشارع عشان يتحمسوا اكتر , فكان من أول الناس اللى نزلت حمدين صباحي , صباحي ماخافش من الناس و نزل وسطهم , وقت لما الشرطة بتضرب الناس بالنار و الرصاص , ولما تنحى مبارك مارجعش بيته لأ كمل مع الناس , وقال مطالب الثورة هي أهم أهدافنا , و وقف ضد استعباط المجلس العسكري اللى عينه مبارك لما كان بيقتل فى المصريين و بيسحل و يعرى فى البنات .. و صمد , لغاية أول إنتخابات من المفترض إنها نزيهة بعد 25 يناير , و صباحي شوفناه قدامنا فى الإنتخابات راجل بيدافع عن حقوق الناس و أهداف الثورة زى عوايده *.
لغاية لما ظهر إن فى الجولة التانية إخوان و فلول , ومع ذلك صباحي لم يستسلم , وشارك فى تأسيس جبهة الإنقاذ الوطنى مع قيادة المعارضة , ونزل مظاهرات الإتححادية و كان من أول الموقعين على تمرد و اللى نزلوا فى موجة الثورة التانية فى 30/6 , ومع ذلك كان الإعلام بيلفقالتهم لحمدين صباحي , لدرجة وصلت إن صباحي بقى أحد الممولين من الخارج و أصحاب الأجندات , وإنه عميل من عملاء المخابرات البريطانية , لكن الراجل ماتهزمش , وفضل مكمل ...
صباحي نزل فى 30 يونيو , وكان مؤيد لعزل مرسي , وقال تصريح إنه مستعد غنه ماينزلش الإنتخابات لو المشير السيسي نزل "ببرنامج يحقق مطالب الثورة" , وطالما صباحي إترشح يبقى اكيد مافيش برنامج يعبر عن الثورة من السيسي!!
ليه تنزل وماتقاطعش ؟؟!
بص ياسيدنا :
أولًا : نزلت أو مانزلتش الإنتخابات هتتعمل , والسيسي ينجح وبفرق كبير وده مش إدانة ليهم , ده نتيجة طبيعية .. إنت مانزلتش و 100 واحد كمان مانزلش , وهما أصلا 300 واحد وتلاقى السيسي ناجح بنسبة 150 صوت قصاد 50 بس لحمدين , فده طبيعي !!
ثانيًا:: إنت مهمتك إيه فى الدنيا إنك تعمل اللى عليك و الباقى على ربنا , عشان لما تقابله يوم القيامة هيقولك إنت تركت فلان يطغى ليه, ساعتها مافيش ولا عذر هيكون على لسانك تقوله , إنت مش عليك حاجة غير إنك تسعى و ساعتها ربنا هيوفقك , لكن عمرك ما هتنجح أو تكسب وإنت نايم ع السرير , ربنا قال :"ولكل مجتهد نصيب" , فالمجد و النجاح للى بيقول و ينفذ مش للجعجاع !
ثالثًا : الإعلام بتاعنا ماشاء الله عليه قمة فى الحياد و النزاهة , سكوتك وصمتك أو كلامك الفارغ على تويتر و الفيس بوك مش هيغير حاجة فيه , الإعلام بيوصل للناس وبينشر فى دماغهم كل كلمة وكل حرف بيمشوا عليها كتاب مقدس , فإنت لو ماعملتش حاجة فى أرض الواقع ونزلت وعبرت وإديت صوتك للى يستحقه , بعد كده لما تلاقى فرعون إتفرعن ماتلومش غير نفسك !!
رابعًا : إنت مش هتخسر حاجة أكتر من اللى خسرتها , المعركة دلوقتى بقت معركة بقاء وطن قدام بقاء شوية أسماء , بإيدك الإختيار يإما تهد الفراعنة أو مشاريع الفراعنة , يا إما تضحي بالوطن !!!!!!
#حمدين_صباحي #واحد_مننا #الثورة_مستمرة
ليه حمدين صباحي ؟!
بص يا سيدي احنا فى 25 يناير لما نزل الشعب و الشباب ضد مبارك ودولته , كانت النوايا كلها صافيه ومش ذنبنا زى ماقال الشيخ محمد يسري سلامة -رحمة الله عليه- إننا قمنا بها فى وسط حفنة من المتنفعين و الإنتهازين و الجهلاء , لكن كان أملنا بسيط إننا نعيش بس ما شعوب كتير عايشين , عايزين تعليم كويس و علاج كويس و وظائف محترمة و نضمن اننا اخر الليل مش هنشيل هم العشاء , وعلى فكرة ثلاث ارباع المصريين بيناموا من غير عشاء ..
فالناس نزلت الميدان , بس كان شئ مُحفز ليها إنها تلاقى ناس من النخبة السياسية معاها فى الشارع عشان يتحمسوا اكتر , فكان من أول الناس اللى نزلت حمدين صباحي , صباحي ماخافش من الناس و نزل وسطهم , وقت لما الشرطة بتضرب الناس بالنار و الرصاص , ولما تنحى مبارك مارجعش بيته لأ كمل مع الناس , وقال مطالب الثورة هي أهم أهدافنا , و وقف ضد استعباط المجلس العسكري اللى عينه مبارك لما كان بيقتل فى المصريين و بيسحل و يعرى فى البنات .. و صمد , لغاية أول إنتخابات من المفترض إنها نزيهة بعد 25 يناير , و صباحي شوفناه قدامنا فى الإنتخابات راجل بيدافع عن حقوق الناس و أهداف الثورة زى عوايده *.
لغاية لما ظهر إن فى الجولة التانية إخوان و فلول , ومع ذلك صباحي لم يستسلم , وشارك فى تأسيس جبهة الإنقاذ الوطنى مع قيادة المعارضة , ونزل مظاهرات الإتححادية و كان من أول الموقعين على تمرد و اللى نزلوا فى موجة الثورة التانية فى 30/6 , ومع ذلك كان الإعلام بيلفقالتهم لحمدين صباحي , لدرجة وصلت إن صباحي بقى أحد الممولين من الخارج و أصحاب الأجندات , وإنه عميل من عملاء المخابرات البريطانية , لكن الراجل ماتهزمش , وفضل مكمل ...
صباحي نزل فى 30 يونيو , وكان مؤيد لعزل مرسي , وقال تصريح إنه مستعد غنه ماينزلش الإنتخابات لو المشير السيسي نزل "ببرنامج يحقق مطالب الثورة" , وطالما صباحي إترشح يبقى اكيد مافيش برنامج يعبر عن الثورة من السيسي!!
ليه تنزل وماتقاطعش ؟؟!
بص ياسيدنا :
أولًا : نزلت أو مانزلتش الإنتخابات هتتعمل , والسيسي ينجح وبفرق كبير وده مش إدانة ليهم , ده نتيجة طبيعية .. إنت مانزلتش و 100 واحد كمان مانزلش , وهما أصلا 300 واحد وتلاقى السيسي ناجح بنسبة 150 صوت قصاد 50 بس لحمدين , فده طبيعي !!
ثانيًا:: إنت مهمتك إيه فى الدنيا إنك تعمل اللى عليك و الباقى على ربنا , عشان لما تقابله يوم القيامة هيقولك إنت تركت فلان يطغى ليه, ساعتها مافيش ولا عذر هيكون على لسانك تقوله , إنت مش عليك حاجة غير إنك تسعى و ساعتها ربنا هيوفقك , لكن عمرك ما هتنجح أو تكسب وإنت نايم ع السرير , ربنا قال :"ولكل مجتهد نصيب" , فالمجد و النجاح للى بيقول و ينفذ مش للجعجاع !
ثالثًا : الإعلام بتاعنا ماشاء الله عليه قمة فى الحياد و النزاهة , سكوتك وصمتك أو كلامك الفارغ على تويتر و الفيس بوك مش هيغير حاجة فيه , الإعلام بيوصل للناس وبينشر فى دماغهم كل كلمة وكل حرف بيمشوا عليها كتاب مقدس , فإنت لو ماعملتش حاجة فى أرض الواقع ونزلت وعبرت وإديت صوتك للى يستحقه , بعد كده لما تلاقى فرعون إتفرعن ماتلومش غير نفسك !!
رابعًا : إنت مش هتخسر حاجة أكتر من اللى خسرتها , المعركة دلوقتى بقت معركة بقاء وطن قدام بقاء شوية أسماء , بإيدك الإختيار يإما تهد الفراعنة أو مشاريع الفراعنة , يا إما تضحي بالوطن !!!!!!
مصطفى عادل
27/4/2014
*من هو حمدين صباحي : http://hamdeensabahy.com/?page_id=243#حمدين_صباحي #واحد_مننا #الثورة_مستمرة
تعليقات
إرسال تعليق