عواد مسعور

ماظنش او ماتمناش ان الوضع يستمر دايمًا بنفس الطريقة اللي احنا فيها دي .. كل اللي مرسي مشى بسببه .. واللي اتهمناه عشانه بالخيانة والتخابر و غيره .. السيسي عمله وتعداه .. السيسي حطم كل المبادئ و القيم اللي كنا ممكن ننتمي لها كمجتمع سوي (ده اذا كنا مجتمع سوي كمان).. السيسي و اعلامه سبب في ازمة المصطلحات و المفاهيم اللي مصر عايشاها ... فالمواقف ماعدتش بتتسمى بإسمها .. الخيانة و الارهاب و الوطنية و الشرف .. كل المفاهيم و القيم دي تداخلت و 

توهنا فيها لحد ما فقدناها و أظن إننا هنفضل فاقدينها للأبد لو فضلت البلد تحكم بنفس المنوال .. فكرة الخصوصية الشخصية ماعدتش موجودة في قاموس الدولة .. ان ممكن اي حد في الشارع يقولك طلع موبايلك ويفتح ويقلب فيه وفي الصور ولو رفضت ابقى خلى اهلك يدوروا عليك .. يتقبض عليك وانت ماشي في الشارع .. قاعد على قهوة .. بتجيب حاجة من تحت .. من غير سبب و ماتقدرش تقاوم لانك بكده هتزود تهمة على التهم بإنك بتمنع موظف من تأدية عمله ..

كل ده من غير مانتكلم عن ليستة المصايب اللي السيسي عملها من يوم ما مسك .. من اول قتل الناس وقانون التظاهر و القبض على الشباب لحد قتل المكسيكيين و ريجيني والدولار و بيع الجزيرتين نهاية باعتقال الشباب تاني .. 

العواجيز اللي انت بتتسند عليهم .. او اللي انت بتأجرهم ب١٠٠ جنية و وجبة ضهرهم خايخ .. صدقني مش هيسندوك لما تقع .. ياما راحت قبلك ممالك .. #الله_غالب