العجلة هى الحل
المشكلة إن إحنا عايزين نبدأ الطريق من آخره مش من نصه ...
يعنى هو المسئول الطموح اللى عايز يكروتنا ويتقدم بينا فجأة ده , وهو ماشي بالبركة هل ده هيتسمى إنجاز أو تقدم ؟!
يعنى لما السيسي يركب عجل هو وشوية شباب فى مدينة مصر ويقول البلد مش هتتبنى غير كده , ممكن قصده إن لو الناس ركبت عجل هنحل أزمة من أزماتنا ..
بس هو مايعرفش إننا عندنا أكبر نسب أمراض فى العالم تمنع الكثير من المصريين إنهم يركبوا عجل ولو خمس دقائق بس ..
عدد مرضى القلب في مصر يبلغ 8 ملايين*..
مرضى ضغط الدم يصل عددهم لـ20 مليون مصري يعنى بنسبة 25% من تعداد الشعب..
عندنا أعلى نسبة مرضى سرطان فى العالم..
عندنا أعلى نسبة مرضى سكري فى العالم..
عندنا أعلى نسبة فشل كلوي فى العالم ..
وحاجات تانية كتير .. وده مش تقييم لأداؤه ده بس من باب العلم و الإحتياط ..
بص سيادتك احنا مش عايزين منك غير 4 حاجات .. عيش حرية عدالة إجتماعية وعدالة إنتقالية..
العيش وهو إن أقل واحد فى الشعب يلاقى ياكل ..
حرية إن ماتخليش أمى تقولى ماتتكلمش عشان دلوقتى اللى بيتكلم بيتقبض عليه , يعنى مش كل شوية واحد يقولي خلى بالك أمن الدولة رجعت تانى ..
عدالة إجتماعية عينى مش جنابك و مستشارين جنابك و وزراء جنابك يقبضوا 40 ألف جنية وهما قاعدين فى تكييفات مكاتبهم , و العمال والموظفين اللى بيشقوا فى الشمس تديلهم 400 جنية ..
عدالة إنتقالية يعنى كل واحد شارك معنويا أو ماديا فى افساد الحياة المصرية سياسيًا أو إجتماعيًا يتعملهم محاكمات ثورية على أٌقل عشان إنت واللى معاك تخافوا تعملوا زيهم ..
عالج الناس سيادتك بعد كده حل أزمة المواصلات بالعجل ..
شغل المصانع سيادتك بعد كده إتكلم عن زيادة الإنتاج ..
إمحى الأمية سيادتك بعد كده إتكلم عن التقدم ..
عدل القوانين سيادتك بعد كده إتكلم عن القضاء الشامخ..
هيكل الداخلية سيادتك بعد كده ابقى تعالى قولى ضابط الشرطة اخوك وبن عمك و الكلام ده ..
شيل رموز الفساد من المؤسسة العسكرية بعد كده تعالى قولى جيش يحمى لا يحكم..
نضف الإعلام سيادتك بعد كده إتكلم عن الأخلاق ..
إعمل حدود للرواتب سيادتك عشان نقدر نسمعك وانت بتغنى عن العدالة الاجتماعية ..
إكفى حاجتنا من المحاصيل الزراعية سيادتك بعد كده اتكلم عن الاستقلال الوطنى ..
طلع المظاليم من المعتقلات سيادتك عشان تتباهى بأزهى عصورك الديمقراطية ..
*http://elshaab.org/thread.php?ID=27579
#أحلام_بسيطة #مدونة_جرامافون
يعنى هو المسئول الطموح اللى عايز يكروتنا ويتقدم بينا فجأة ده , وهو ماشي بالبركة هل ده هيتسمى إنجاز أو تقدم ؟!
يعنى لما السيسي يركب عجل هو وشوية شباب فى مدينة مصر ويقول البلد مش هتتبنى غير كده , ممكن قصده إن لو الناس ركبت عجل هنحل أزمة من أزماتنا ..
بس هو مايعرفش إننا عندنا أكبر نسب أمراض فى العالم تمنع الكثير من المصريين إنهم يركبوا عجل ولو خمس دقائق بس ..
عدد مرضى القلب في مصر يبلغ 8 ملايين*..
مرضى ضغط الدم يصل عددهم لـ20 مليون مصري يعنى بنسبة 25% من تعداد الشعب..
عندنا أعلى نسبة مرضى سرطان فى العالم..
عندنا أعلى نسبة مرضى سكري فى العالم..
عندنا أعلى نسبة فشل كلوي فى العالم ..
وحاجات تانية كتير .. وده مش تقييم لأداؤه ده بس من باب العلم و الإحتياط ..
بص سيادتك احنا مش عايزين منك غير 4 حاجات .. عيش حرية عدالة إجتماعية وعدالة إنتقالية..
العيش وهو إن أقل واحد فى الشعب يلاقى ياكل ..
حرية إن ماتخليش أمى تقولى ماتتكلمش عشان دلوقتى اللى بيتكلم بيتقبض عليه , يعنى مش كل شوية واحد يقولي خلى بالك أمن الدولة رجعت تانى ..
عدالة إجتماعية عينى مش جنابك و مستشارين جنابك و وزراء جنابك يقبضوا 40 ألف جنية وهما قاعدين فى تكييفات مكاتبهم , و العمال والموظفين اللى بيشقوا فى الشمس تديلهم 400 جنية ..
عدالة إنتقالية يعنى كل واحد شارك معنويا أو ماديا فى افساد الحياة المصرية سياسيًا أو إجتماعيًا يتعملهم محاكمات ثورية على أٌقل عشان إنت واللى معاك تخافوا تعملوا زيهم ..
عالج الناس سيادتك بعد كده حل أزمة المواصلات بالعجل ..
شغل المصانع سيادتك بعد كده إتكلم عن زيادة الإنتاج ..
إمحى الأمية سيادتك بعد كده إتكلم عن التقدم ..
عدل القوانين سيادتك بعد كده إتكلم عن القضاء الشامخ..
هيكل الداخلية سيادتك بعد كده ابقى تعالى قولى ضابط الشرطة اخوك وبن عمك و الكلام ده ..
شيل رموز الفساد من المؤسسة العسكرية بعد كده تعالى قولى جيش يحمى لا يحكم..
نضف الإعلام سيادتك بعد كده إتكلم عن الأخلاق ..
إعمل حدود للرواتب سيادتك عشان نقدر نسمعك وانت بتغنى عن العدالة الاجتماعية ..
إكفى حاجتنا من المحاصيل الزراعية سيادتك بعد كده اتكلم عن الاستقلال الوطنى ..
طلع المظاليم من المعتقلات سيادتك عشان تتباهى بأزهى عصورك الديمقراطية ..
*http://elshaab.org/thread.php?ID=27579
#أحلام_بسيطة #مدونة_جرامافون
مصطفى عادل
13/6/2014
تعليقات
إرسال تعليق