إذا الشمس غرقت ..

إذا الشمس غرقت في بحر الغمام.. ومدت على الدنيا موجة ظلام ..

ومات البصر في العيون و البصاير .. وغاب الطريق في الخطوط و الدواير ..

يا ساير يا داير يابو المفهومية .. مفيش لك دليل غير عيون الكلام ..

بعيني شايف الخطر طغاه بقلوب زي الحجر

اصوات الحق بتتخرس ايدين العدل بتتبتر 

بذر الظلم وطرح شجر جفاف و طال بدون مطر

نفوس الناس بقت سجون عتمة في ليل بدون قمر

و العادي بقى انك تعيش جبان متهان

احسن ماتكون ميت مربوط ومتقيد عبد وسيدك سجان

عايش متساق متلجم 

دورك محدود متحجم

الكون كله بيتقدم

وطنك عقله بيتسمم

وسواقي الذل بتسقي الكل ..غصب واقتدار

ضعف وانكسار .. جهل و انحدار ..

قمع وحصار..

عايش في بلاد منهوبة .. عايش في بلاد منكوبة

عايش في بلاد مركوبة من حكام كفار حكموها ..

هدفهم نبقى مشتتين .. هدفهم نفضل في انقسام..

هدفهم نفضل مش فاهمين وممنوعين من الكلام..

مفيش مكان للإستسلام للإنهزام ..

إحنا ثوار ومكملين رغم الغمام..

غاب القمر وسط السحاب .. اختفى ضيه في الضباب..

السكة ضلمت علينا .. امل معجون بالإكتئاب.. 

صوت مزيكا من غير ايقاع.. رسم وخطوط من غير ابداع..

شعور ادراك من غير احساس .. موتوا الامل فالناس..

احباط.. اقفل النور جوه عيون الثوار .. 

حسس الناس بالعجز .. حسسهم بالانكسار ..

اعمل حاجز صوت مابينا وقول الحجة انك مش سامع ..

كله بيجري ورا مصلحته و الجرابيع يرجعوا فالشارع..

ارجع الف في نفس الدايرة .. الاغلبية و التهميش..

بإسم الأقلية تسقط دولة الشاويش..

المجد للجرابيع .. المجد للثوار..

المجد لكل واحد في الشارع واقف للنار ..

المجد لكل لحظة امل لسه عايشة فينا ..

ساكتة بينا .. تشق موج الذل زي السفينة ..

بتنادينا .. تصحي صوت الثورة اللي اتسرقت ..

بتخلينا  مكملين و لو الشمس غرقت ...

إذا الشمس غرقت : فالغمام مش هيخلص الكلام مش هتموت الأحلام ..

و مدت على الدنيا : موجة ظلام صدام في هوج الضلام ..

ومات البصر : في العيون في البصاير في القلوب في الدروب تاهت الضماير ...

وغاب الطريق : جوه خطوط جوه فروق كلها محطوطة عشان نتوه في الدواير ..

يا ساير يا داير يابو المفهومية مفيش لك دليل غير عيون الكلام..

لما صوت الحق يتكتم و الصوت الظاهر يبقى الباطل..

و الطاهر يبقى الظالم .. و الظالم يبقى هو الطاهر ..

و الخوف يعشش في قلوب عاشت ذل .. طفحت جهل ..

مفيش حل عندها .. غير انها تقول حاضر ..

فتناضل .. وتلاقي الناس  ساكتة مابتتكلمش ..

تحاول توصل صوتك .. بس برده ماتتفهمش ..

تصرخ مابتتسمعش و الظالم مابيتفاهمش ..

و تسمع صوت اليأس يقولك مفيش فايدة ماتحاولش ،،

بس تقنع نفسك .. ان حلمك عمره مانتهى ..

وتشيل ايدين الناس من على بقها تحاول تدلها ..

وتشيل الغمام توريها اللي ذلها ..

وتنور الظلام تخليها تشوف حلمها ..

مانت زيك زيها بس الثورة جوه قلبك .. جوه عقلك

جوه كل خط اتخط حتي ملامحمك ..

اترسمت بسمة آمل على شفايفك وبتساعدك ..

انك تعدي اي ظروف .. بس اللي تاعبك انك هتشوف نور ..

و في ثانية انطفى .. وحقيقة زي رماد واختفى .. 

شمسك بتغيب ولما انت سائل ع اللي غيرك بالضلمة اكتفى ..

فاتنفى..

وحكم على نفسه بجهله .. وكل الل جنبه اتضره ..

قال يلقى مكان وسطيهم .. بس في الاخر اضطروا ..

يغموا عنيهم .. بايديهم .. قبل مايجي الوقت اللي تتصفالهم فيها ..

ده الصوت تحت رجليهم.. ملأ الارض اللي بيقفوا عليها ..

فاتأكدوا انهم هم اللي ظلموا نفسهم الاول بسكوتهم ..

فلا بطل صوتهم يتكلم ..ومين اللي سبب في موتهم ..

مين غرق شمسنا .. 

مين نهب أرضنا ..

مين دمر فكرنا ..

مين عرى جسمنا ..

مين ضحك علينا ..

بنغمة انه يحسسنا ..

بان هما امرنا ..

مين دارى وشه بوش ...

مين فينا قبل الغش ..

مين فينا قال معلش ..

ومادام انت بتتخبى طول عمرك فما تستعجبش ..

ان حقايق تتزيف .. ايادي الاحرار تتكتف ..

ولسان بطل يهتف .. ماهو عارف ان كلامه بيتحرف ..

مابكده طالما احنا سكتنا .. هيحاولوا يغيموا دنيتنا .. 

بس مصيرنا فايدنا .. شمسنا تتطلع وهتكمل ثورتنا ..

   

إذا الشمس غرقت : فالغمام مش هيخلص الكلام مش هتموت الأحلام ..

و مدت على الدنيا : موجة ظلام صدام في هوج الضلام ..

ومات البصر : في العيون في البصاير في القلوب في الدروب تاهت الضماير ...

وغاب الطريق : جوه خطوط جوه فروق كلها محطوطة عشان نتوه في الدواير ..

يا ساير يا داير يابو المفهومية مفيش لك دليل غير عيون الكلام..

التراك :إذا الشمس غرقت | Revolution Records Ft. Sheikh Emam | الثورجية والشيخ إمام

**التراك من ٢٠١٢ .. بس مفيش حاجة اتغيرت