غزل عفيف - مصطفى الشبراوى

عيون الحرية فقعوها فى محمد محمود عيون عاشت بتحلم باللى مابيحصلش عيون عازت تحطم اللى كان مفروض عيون عارفه طريقها اللى كله حدود حدود فرقت بين دول حرمتها من ٢٥ يناير

يناير.. مات وصحى الضمير جوانا يناير.. عاش وموت فينا كل الخوف يناير.. ماشي مابين احمد مابين مينا يناير .. علمنا نقابل الشر بالمعروف معروف مابين الناس يجعل مصرنا جنة بأفضل شباب ثاير

الثاير الحق هو اللى يكمل ثورته الثاير حطم حصون الظلم والاستبداد الثايرعارف امتى يرق القلب وصوته يسكته الثاير قطع ايدين شرير ينهب ثروته ثروته خدها وخلع على بلاد بره والدم كان فاير

الثورة لغز كبير مايحلهوش الناس الثورة عمله نادرة مابين الخلق الثورة مايعرفهاش الا اللى كان مظلوم الثورة ماتحلهاش غير ايدين مجروحة من حمو الفاس الفاس يجعل اراضي سينا جنان والحاكم المجنون على البلد قادر

قادر يخيم ع الوطن صوت الصمت قادر يعمم فى الوطن قولة نعم قادر يسرق وينهب من اجلك انت قادر يغير النشيد ينكس العلم العلم وقع ع الارض بعد ما كتمنا الهوا الطاير

طاير وسط الناس من الفرحة بالثورة طاير من الفرحة وقلبي مطمن طاير وهما عصابة مداورة ومناورة طاير وعارف ان الميدان متأمن امنوه الشباب عشان مابينهم خسيس يجعلوه حاير

حيرانين الناس خايفين يطول الفجر حيرانين الخلق اصل الخطاب طول حيرانين فى السجون جواها زاد الفجر حيرانين و الرئيس عاد خطابه من الاول اول واصغر خطأ من غلطته كباير

كباير وهيقابل رب العالمين بكره كباير والناس مش شايفة من اللهفة كباير وجموع الخلق دى فاكرة الكباير مهما تكون ، غلطة غلطة عند الرب بطير فيها رقاب وتبيض فيها عيون

عيون الحرائر

مصطفى عادل

23/10/2013