رسائل نصية قصيرة SMS

الرسالة رقم (1) إلى المستشار عدلى منصور :
بغض النظر إنك رجل محترم و أكيد مالكش ذنب إنك مسكت البلد عصب عنك و إن دى مش مهنتك الأساسية , بس تُشكَر يازوء !

الرسالة رقم  (2) الفريق عبدالفتاح السيسي :
أنا -برأيي المتواضع- أتوعدلك بمستقبل هائل ورائع , و أتمنى أن تستمر بهذا المنوال الراقى و المميز فى مجال التمثيل , مابين ردود أفعال و حركات جسدية من الصعب لأى ممثل أن يتقنها , كما إنك ليس مشروطًا أن تعطي الموضوع أكبر من حجمه , فكك بلا تفويض بلا نيلة قول أنا هترشح فى الانتخابات بقلب جامد !

الرسالة رقم (3) حمدين صباحي :
مش عارف الصراحة أنا أقولك , بس حظ سعيد كمان 8 سنين .

الرسالة رقم (4) القوات المسلحة المصرية :
على فكرة إنتوا صادقين ساعة لما قلتوا إن المؤسسة مش هتقتحم المجال السياسي تانى , وإنها لا ولم ولن تدفع بأى مرشح فى السباق الرئاسة , وإحنا عارفين كمان إن السيسي مش ظابط جيش ولا حاجة , إنتوا زى الفل .

الرسالة رقم (5) أحمد شفيق :
حج مبرور إن شاء الله , تقبل الله منّا ومنكم صالح الأعمال .

الرسالة رقم(6) لبابا حسنى مبارك :
ياما فى السجن مظااليم , و مهما كتروا الحساد اللى هيفضل ضحكة المساجين , وألف ألف ألف مبروك ع البراءة انت وجيمى . الكرسي مستنيك ياكبير , ولا أقولك دى شغلانه ماعدتش بتأكل عيش .

الرسالة رقم (7) محمد مرسي :
ربنا يكملك بعقلك , إنت السبب يابن *&^%$ !

الرسالة رقم (8) محمد بديع :
خربتها وقعدت فوق , خلاص إشرب بقى .. ماهو إنت لوكنت قنوع و ذكى كان الناس هيخلوا طرطورك 100 سنة قدام بس انتوا كنتوا طمعانين فى التمانية .

الرسالة رقم (9) الشعب المصري العظيم :
حسبي الله ونعم الوكيل !

الرسالة رقم (10) محمد البرادعى :
أبوس إيدك إبعتلى دعوه , خُدنى معاك والنبي !