عدم الوعى و عواقبه

احنا فى مصر بنعانى من جهل الناس و عدم وعيهم ولكن اتعودنا عليهم و اتعودنا ان احنا نلاقي واحد بيفكر نفسه بيفهم عن الكل  و تانى مش شايف حد ف الكون بيفهم غيرنفسه  أما ف واحد فيه كل الحاجات دى و فوقيها انه تافه و ساذج .. دى مش مشكلة فرد ولا اتنين و لا حتة ميه واحد ده اكتر من 25% من الشعب المصرى كده و بتوصل بيهم السذاجة ان فى عز الوقت الصعب و القليل بيضيعوه فى حاجات تافهه و فارغة و بيدعوك ان انت تبقى زيهم و طبعا ف اغلب الاوقات انت بتوافق عشان ترضيهم و ماتخسرهمش عشان مايفيكروكش بتبعد عنهم .. الناس دى ممكن تكون جيرانك اصحابك او حتى اخواتك .التفاهة و السذاجة و الغرور بيولدوا فى الإنسان البرود و بتلغيله عقله و ضميره و بتنسيه انه اصلا كائن بشرى و بتخليه يجر الناس معاه فى تفاهته , هديكوا امثلة للتفاهات دى اللى بتتحول مع الوقت لانفلات اخلاقى يعنى مثلا شلة صحاب ماشيين مع بعض ممكن واحد تافه فيهم يروح يعاكس بنت -حتى لو كان لبسها ملفت- فالكل يجي وراه و يعاكس البنت مع انه ماستفدش حاجة الا انه خلى الشارع كله يبص عليه و يتفرج على قذارته ممكن مثلا يشرب فى مرة سجاير فصاحبه يحب يقلده و هكذا لغاية مايتحول الحاجة التافهة الصغير دى زى معاكسة البنات او شرب السجاير لحاجة كبيرة من الصعب انها تتحل يعنى مثلا مع التطور الطبيعى للانسان توصل للزنا او توصل للادمان او توصل للسجن , فظاهرة عدم الوعى عند بعض المصريين او لم يكن معظمهم هتخليهم يبعدوا عن دينهم و عن ربهم و  ويوصلوا لمصير أسوء من المتوقع , فالظاهرة دى مش عند الناس اللى ماتعلمتش بس الظاهرة دى للاسف عند ناس متعلمة احسن تعليم, فيه فرق كبير بين التعليم و الوعى ..