ليه هنقول لأ فى الإستفتاء على الدستور الباطل ؟!

فيما يأتى المواد المختلف عليها أو المواد الكارثية فى دستور الإخوان المسلمين :-

المادة (14) :

                      " و يجب ربط الأجر بالإنتاج "

يعنى مرتبك حسب الإنتاج -لو افنتاج ثابت مرتبك هيفضل ثابت- يعنى مثلا انت واحد عندك محل بتفتح المحل 14 ساعة يوميا و الانتاج هو هو , يبقى أجرك على قد انتاجك مش على قد ساعات شغلك ..

المادة (62) :

"تخصص الدولة للرعاية الصحية نسبة كافية من الناتج القومى"

و هنا ماحددوش النسبة او حتى ححدوا اولويتها من الموازنة العامة للدولة ودى صياغة "مطاطية"  لأنها تفتح الباب امام استمرار الوضع كما هو بأن يكون انفاق الدولة على التعليم والصحة معا اقل من الانفاق على الداخلية لوحدها , وده هيرجع التعليم و الصحة ورا و يطلع السلطة و النفوذ و التحكم فى الاجهزة القمعية لقدام.

المادة (64) :

"لا يجوز فرض اى عمل جبرًا إلا بمقتضى القانون"

المادة دى بقى لوز اللوز , المادة بتقول بصراحة  يجوز فرض اى عمل جبرا بمقتضى القانون و المادة دى بقى بتفتح الباب امام فرض العمل اجباريا بمقتضى القانون و دا بيعطى الحكومة الفرصة لتشغيل المواطنين اجباريا , مثال صغير : ماو تسي تونغ (زعيم الحزب الشيوعى الصينى) كان بيعاقب معارضينه بيلمهم و يوديهم يزرعوا الصحرا و الحقول بالاجبار و بيعلمهم الشيوعية على طريقته هو .

المادة (39) :

"يجوز انعقاد جلسات مجلس النواب و مجلس الشورى فى جلسة سرية بناءًا على طلب الرئيس أو الحكومة أو رئيس المجلس أو عشرين من أعضائه على الأقل"

المادة دى بتعطى الحق للرئيس أو الحكومة أو رئيس المجلس أو عشرين من أعضائه على الأقل انهم يطالبوا ان جلسة البرلمان تبقى سرية طيب ليه؟! هو مش احنا اختارنا الناس دى عشان تمثلنا؟ ولا هما هيمثلونا من ورانا؟!

المادة (149) :

"لرئيس الجمهورية العفو عن العقوبة أو تخفيفها ولا يكون العفو الشامل الا بقانون"

المادة الفلة دى هتخلى رئيس الجمهورية يتدخل فى أحكام القضاء و تعطيه الحق فى انه يعفو عن اى حد محكوم عليه او يخفف عنه الحكم  ودى مش شغلته اصلا بالاضافة ان ده هيفتح باب الاستثناءات ممكن اصحاب و اهل و عشيرة الرئيس يعملوا اى جريمة و هما مطمنين لانه هيطلعهم حتى لو اتحكم عليهم .

المادة (176):

"يقوم رئيس الجمهورية بتشكيل وتعيين المحكمة الدستورية العليا"

المادة دى هى البونبونى بتاعة الدستور , و دى بتخلى سى مرسى هو اللى يطلع قرار تعيين فضاة المحكمة الدستورية و المهم ان المحكمة دى هى الوحيدة اللى تقدر تقول على قانون اصدره الرئيس انه غير دستورى و توقف تشغيله ودا طبعا تدخل فى اعمال القضاء لأن المفروض قضاة المحكمة الدستورية يترشحوا من محاكمهم و يعينهم مجلس القضاء الاعلى عشان يقدروا يراقبوا القوانين التى يصدرها مدجلس الشعب واللى ممكن يقترحها الرئيس ازاى بقى هيحكموا ضد قانون اقترحه الرئيس  اللى عينهم ؟!

فيه مواد تانية كتير بس دول أشهر المواد اللى كان عليها اختلاف كبير .. لا لدستور الخرفان