عني

إسمي مصطفى عادل .. من بورسعيد ✋🏽

ينايرجي مؤمن بالثورة، ومؤمن إنها الأمل.هي اللي فتحت عقلي وحببتني فالقراءة. بقرأ في كل حاجة تقريبا في الدين، الأحياء، الفلك، الفيزياء-مؤخرا، الصوفية والتاريخ.

بدأت أكتب بخواطر في إعدادي وبعدها قررت أعمل مدونة وكتبت فيها لحد ما تطور الموضوع لإني بكتب قصص قصيرة دلوقتي.

بحب الأغاني اللي كلماتها بتعبر عن اللي انا حاسه مش اللي بيقولوا فيها كلام أغاني.

بحب الشيخ إمام وعم نجم وجلال عامر ومواويل لطفي بوشناق و أغاني التراث العربي.

أكتر مازيكا بحبها لحد دلوقت (مسلسل شيرلوك- مايعزفه هانز زيمر، ياني و عمر خيرت).

بدأت من أكتر من ٣ سنين إني أبني نفسيا ذهنيًا، بإني أتعلم حاجات كتير وأتدرب وأجرب حاجات مختلفة، وده بدأ لما إتعلمت فوتوشوب من كام سنة، وإني أتعلم كذا لغة. إني أقرأ أكتر عن كل حاجة ،مفيش حاجة ماينفعش ماتتقرأش. كل كتاب وليه إفادته.
وبحب التصوير و الكمانجة بس لسه ماتعلمتش .. وبحب السفر وعندي استعداد اسافر اي حتة اي وقت.

بس كده 🤞🏽