مشكلة السرحان وعدم التركيز في وقــــــت المذاكرة

اولاً ايـه السبب ؟! *للأسف عندى نفس المشكلة :)

1- مش بتحب المادة اللي بتذاكرها

( هنا لازم تعرف ان اللى انت مجبور انك تعمله هو الجسر اللي هيوصلك لحلمك و الماده اللي انت مش حاببها انت كدا كدا 

لازم تذاكرها فـ ارضى بيها دلوقتي عشان توصل للي انت عايزة )

2- عندك مشكلة شغلاك ( يا اما تواجهها يااما تلاقيلها حل بس متسبهاش مسيطرة على تفكيرك )

3- بتفكر في حاجة تانية (اياً كان اللي انت بتفكر فيه وهو مش وقته , خلي جنبك "note" صغيرة تكتب فها كل حاجة بتيجي في بالك عشان ترجع تفكر فها تاني لما تفضى هتلاقيها راحت من دماغك على طوول )

4- المذاكرة على السرير  (لازم تلاقي نفسك بتنام )

5- بتذاكر مع مجموعة كبيرة او المذاكرة قدام التلفزيون او وانت بتسمع اغاني (ده ممكن يشتتك)

ثانياً تعمل ايه ؟!

1- لازم تبقى نايم كويس ( متقولش هسهر اخلص اللي ورايا , فكرة "فاشلة" )

2- شوف اكتر وقت في اليوم بتركز فيه ايه

3- صلي اللي فاتك

4- نظم المكتب المكان اللي هتقعد فيه

(اتاكد ان كل حاجة هتحتاجها قدامك )

5- ابعد كل حاجة ممكن تشتتك

6- خلي الاضاءة قوية على المكتب

7- حاول تعمل اي تمرين خفيف ينشط الدم في المخ

8- لو تعرف تدريب للتركيز اعمله قبل ما تبدا

9- متذاكرش بعينك بس اكتب وانت بتذاكر و اقرا بصوت عالي تسمه

10- خلي دايما وقتك منظم عشان متتشتتش

11- متقعدش اكتر من 45 دقيقة متواصلة بتذاكر "لازم" تفصل 5 دقايق "على الاقل" (معدل تركيزك هيبقى 75% - 100%)

لو قعدت من ساعتين لـ تلاتة متواصلة معدل تركيزك هيبقى من 25% - 50%

*لو عندك حاجة مهمه عايز تراجع عليها اقراها قبل ما تنام على طول

و متنساش "توكل ولا تتواكل" , و ياريت تقرالك المعوذتين قبل المذاكرة :)