عقلية متطرفة :(

مصر دولة فيها اسلام و فيها مسيحية , لو رجعنا بالذاكرة لألف سنة ورا هنلاقى ان سيدنا عمرو بن العاص رضى الله عنه لما إجا فتح مصر -وقتها كان فيها نصارى كتير- فلما جاء أمنهم على الأموال و الارواح و الكنائس و خرج الروم من مصر و كانت النصارى وقتها فى شدة الترحاب بعمرو بن العاص عشان يخلصهم من الروم ...

لو طلعنا بالزمن لقدام شوية كتيير هنلاقى ثورة 1919 اللى فجرها سعد زغلول كان شعارها الرئيسي الهلال مع الصليب و فى الحروب اللى خاضتها مصر من أول 48 لغاية 73 كان الجنود مش مسلمين بس و لا نصارى بس الجنود كانوا مصريين .. 

و فى ثورة يناير العظيمة كانت أهم شعارتها "مسلم مسيحى ايد واحدة" .. دلوقتى الناس اللى بيتكلموا بإسم الدين و الإسلام شايفين إننا لما نباركلهم بعيدهم ده حرام اننا لما نعزيهم فى فقيدهم ده حرام !! طيب دى مش فتنة طائفية ليه العنصرية دى من امتى احنا مابينا مسلم ولا مسيحى و لاهى انا مافتكرش قب كده ان انا سالت عن حد ان كان مسلم او مسيحى !! انا طول عمرى بعرف الانسان لشخصه ده رب العباد قال "لكم دينكم وليّ دين" ..

مهما حاولتم توقعوا مابنا مهما حاولتم توقعوا الهوية المصرية الأصيلة الممتدة لمئات السنين ان مابنا مافيش مسلم ولا مسيحى .. احنا مصريين

عن عمرو بن العاص قال: حدثني عمر أنه سمع رسول الله صلى الله عليه وسلم يقول: "إذا فتح الله عليكم مصر بعدي، فاتخذوا فيها جنداً كثيفاً، فذلك الجند خير أجناد الأرض" قال أبو بكر: ولم ذاك يا رسول الله؟ قال: " إنهم في رباط إلى يوم القيامة" .